Növbəti mövsüm Azərbaycan Premyer Liqasında 12 komanda mübarizə aparacaq.

Prosport.Az xəbər verir ki, bu barədə AFFA İcraiyyə Komitəsinin üzvü Elmar Məmmədyarov jurnalistlərə açıqlamasında deyib.

O bildirib ki, 2022/23 mövsümündə sonuncu olan “Şamaxı” Premyer Liqada qalacaq. Eləcə də “Araz Naxçıvan” və “Zaqatala” yeni mövsümdə Premyer Liqada mübarizə aparacaq.

AFFA-nın baş katibi Sərxan Hacıyev isə jurnalistlərə Elmar Məmmədyarovdan fərqli olaraq, baş katib Premyer Liqada komanda sayının artırılmadığını bildirib: “Xeyr, Premyer Liqada komanda sayı artırılmayıb. Bu məsələ əvvəldən də nəzərdə tutulmamışdı, gündəmdə də yox idi. Ola bilər, Elmar müəllim nəyisə səhv başa düşüb. Premyer Liqada 10 komanda olacaq. “Şamaxı” sonuncu yeri tutduğu üçün çempionatı tərk edir. “Araz Naxçıvan” isə Premyer Liqada mübarizə aparacaq”.