"Qarabağ"ın U-17 komandası məğlubiyyətsiz çıxışını davam etdirir.

Prosport.Az-ın xəbərinə görə, oktyabrın 3-də lider "Zirə"ni səfərdə (Şağan Olimpiya İdman Kompleksi) 2:1 məğlub etmiş Rəşad Sadiqovun komandası bu dəfə öz meydanında "Turan Tovuz"u darmadağın edib – 5:1.

"Qarabağ"dan Əli İbrahim (30), Abdulaziz Cabbarlı (32), Ahmet Levent Gülenç (48), Əli Əliyev (69), Tunar Hüseynov (90), Tovuz təmsilçisindən İlham Beybutov (52) qol vurub.

"Köhlən atlar" növbəti oyununu 19 və ya 20 oktyabrda "Dinamo"ya (Bakı) qarşı keçirməli olsa da, bu matç "Qarabağ"ın U-17 millisində futbolçuları olduğu üçün təxirə salınacaq. Komandanın hazırda 19 xalı var və lider "Neftçi"dən 2 xal geridədir.