Azərbaycan millisinin futbolçusu Mahir Emreli AVRO-2024-ün seçmə mərhələsinin növbəti turunda Estoniya ilə keçiriləcək oyun öncəsi mətbuat konfransında iştirak edib.

Prosport.Az saytı xəbər verir ki, 26 yaşlı hücumçu “Dalğa Arena”da təşkil olunan tədbirdə özünün və komandasının hazırlıq durumunu dəyərləndirib:

“Bu mövsüm karyeram baxımından mənim üçün ağır keçdi. 2-ci dövrədə bir qədər toparlandım. Son görüşdəki nəticədən sonra bura daha yaxşı əhval-ruhiyyədə gəldim. Klubda nə baş verməsindən asılı olmayaraq, milliyə yüksək ab-havada gəlməlisən. Komandamın sabah uğurlu çıxışı üçün əlimdən gələni edəcəyəm”.

Qeyd edək ki, sabah “Dalğa Arena”da keçiriləcək Azərbaycan – Estoniya matçı saat 20:00-da başlayacaq.