Oxatma üzrə Azərbaycan çempionatı və kubokunda müxtəlif yaş kateqoriyalarında mübarizəyə yekun vurulub.

Prosport.Az xəbər verir ki, böyüklər arasında keçirilən yarışda Fatimə Hüseynli / Nurlan Rəhimli cütlüyü qızıl medal qazanıb. Lalə Əbdürəhmanova / Əli Qənbərli gümüş, Svetlana Simonova / Morozeviç Amiran isə bürünc medala sahib olub.

U-18 kateqoriyasında fəxri kürsünün ən yüksək pilləsinə Sümeyyə Bədəlli / Sərdar Vəliyev yüksəlib. Şəms Heybətova / Zahid Kazımzadə gümüş, Zəhra Carçılı / Hüseyn Məhərrəmov isə bürünc medal qazanıb.

U-15 yaş qrupunda isə qızıl medal Selcan Məmmədli / Məhəmməd İsmayılov cütlüyünə nəsib olub. Məryəm İbrahimli / Saleh Məmmədli ikinci, Zeynəb Abdullayeva / Əhməd İsmayılov isə üçüncü yeri tutub.

Beləliklə, ölkə çempionatı və kubokunda hər üç yaş kateqoriyası üzrə medalçılar müəyyənləşib.