Azərbaycanda səfərdə olan İranın idman və gənclər naziri Əhməd Dünya Mali Bakı Su İdman Sarayını ziyarət edib.

Prosport.Az xəbər verir ki, səfər çərçivəsində iranlı nazirə kompleksin fəaliyyəti, infrastrukturu və burada keçirilən yerli və beynəlxalq yarışlar barədə ətraflı məlumat verilib.

Bildirilib ki, müasir tələblərə cavab verən Bakı Su İdman Sarayı müxtəlif su idmanı növləri üzrə yarışların təşkili üçün geniş imkanlara malikdir.

Qonağa həmçinin kompleksin texniki göstəriciləri və idmançıların məşq prosesinin təşkili üçün yaradılmış şərait təqdim olunub.