"Neftçi"nin qadınlardan ibarət 3x3 basketbol komandası Çinin Şanxay şəhərində keçirilən Dünya Seriyasının mərhələsində keçirdiyi 2-ci oyunda da məğlub olub.

Prosport.Az xəbər verir ki, Ratomir Deliçin baş məşqçisi olduğu kollektiv "Amsterdam"la (Niderland) qarşılaşıb.

Görüş Niderland təmsilçisinin 18:15 hesablı qələbəsi ilə başa çatıb.

Qeyd edək ki, "Neftçi" bu gün keçirdiyi ilk matçda Tailanda 14:19 hesabı ilə uduzub. Bununla da komanda Şanxay mərhələsində mübarizəni başa vurub.

12:05

"Neftçi"nin qadınlardan ibarət 3x3 basketbol komandası Çinin Şanxay şəhərində keçirilən Dünya Seriyasının mərhələsində mübarizəyə start verib.

Prosport.Az xəbər verir ki, paytaxt təmsilçisi ilk görüşdə Tailandla üz-üzə gəlib. Qarşılaşma rəqibin 19:14 hesablı qələbəsi ilə başa çatıb.

Qeyd edək ki, Ratomir Deliçin baş məşqçisi olduğu kollektiv bu gün növbəti görüşünü "Amsterdam"a (Niderland) qarşı keçirəcək. Matç Bakı vaxtı ilə saat 13:30-da başlayacaq.

10:39

"Neftçi"nin qadınlardan ibarət 3x3 basketbol komandası Çinin Şanxay şəhərində keçiriləcək Dünya Seriyasının mərhələsində bu gün mübarizəyə start verəcək.

Prosport.Az xəbər verir ki, komanda ilk gündə 2 görüş keçirəcək. "Ağ-qaralar" əvvəlcə Tailandla üz-üzə gələcək.

Ratomir Deliçin baş məşqçisi olduğu kollektiv 2-ci görüşdə Niderlandın "Amsterdam" komandası ilə münasibətlərə aydınlıq gətirəcək.

Qeyd edək ki, Dünya Seriyasının Şanxay mərhələsinə mayın 17-də yekun vurulacaq.