Albaniyanın paytaxtı Tiranada keçirilən Avropa çempionatında komanda hesabında Avropa çempionu olan yunan-Roma güləşi üzrə Azərbaycan millisi Vətənə qayıdıb.

Prosport.Az xəbər verir ki, 133 xal toplayan komandanı Heydər Əliyev Beynəlxalq Aeroportunda media nümayəndələri, federasiya rəsmiləri və idmançıların ailə üzvləri qarşılayıblar.

Yığmanın heyətində Həsrət Cəfərov (67 kq) və Qurban Qurbanov (82 kq) Avropa çempionu olub, Rəşad Məmmədov (55 kq), Nihad Məmmədli (60 kq), İslam Abbasov (87 kq) bürünc medal qazanıblar.

Qeyd edək ki, qitə çempionatına aprelin 26-da yekun vurulacaq.