"Basketbolçularımı təbrik edirəm. Oyun çətin alındı. Əvvəldən də bəlli idi ki, hər iki komanda hazır olan bütün basketbolçularından maksimun istifadə edəcək".

Prosport.Az xəbər verir ki, bu sözləri "Abşeron Layns"ın baş məşqçisi Ərhan Tokər Azərbaycan Basketbol Liqasının yarımfinal seriyasında "Neftçi"ni 95:89 hesabı ilə məğlub etdikləri ilk oyundan sonra deyib.

Türkiyəli mütəxəssis qələbəni şərh edib: "Məncə yaxşı mübarizədən əlavə, baxımlı oyun alındı. Onu da qeyd edim ki, bu gün bir qədər bəxtimiz də gətirdi. 2-ci oyuna gəlincə, ümid edirəm ki, seriyanı məhz o matçda bitirə biləcəyik".