Azərbaycan Kubokunun indiyədək keçirilən 28 final matçını 17 hakim idarə edib. 

Prosport.Az Peşəkar Futbol lİqasının rəsmi saytına xəvbər verir ki, 1992-ci ildən keçirilən yarışın şərikli rekordçuları Fariz Yusifovla Əliyar Ağayevdir.

Onlar hamıdan çox – hərəyə 4 dəfə həlledici görüşdə ədaləti qoruyub.

Vüsal Əliyev və Xaqani Məmmədov 3, Tahir Süleymanov 2 final idarə edib. Digər 12 referi isə hərəyə 1 dəfə finalda baş hakim funksiyasını yerinə yetirib. Bunlar Gülağa Cabarov, Orucəli Durmuşov, Nüvər Xasıyev, Asim Xudiyev, Məhəmməd Məmmədov, İmanxan Sultani, Manuel Qrafe (Almaniya), Elçin Məmmədov, Rəhim Həsənov, Rauf Cabarov, İnqilab Məmmədov və Elçin Məsiyevdir.

Qeyd edək ki, bu gün "Neftçi" və "Qəbələ" komandaları arasında oynanılacaq final görüşü saat 20:00-da başlayacaq.