Belçikalı futbolçu Loris Bronyo "Zirə"dən ayrılıb.

Prosport.Az xəbər verir ki, bu barədə 30 yaşlı cinah hücumçusu instaqram səhifəsi vasitəsilə paylaşım edib.

O, başa çatan müqaviləsinin yenilənməyəcəyini bildirib: “Azərbaycanda keçirdiyim 2 ilə görə “Zirə” klubuna təşəkkür edirəm. İndi yeni macəra vaxtıdır”.

Qeyd edək ki, Loris Bronyo “Zirə”yə 2021-ci ilin yayında Belçikanın “Beersxot” klubundan keçmişdi. Onun və Coşqun Diniyevin ayrılacağını dünən saytımız xəbər vermişdi.