Azərbaycan Premyer Liqasında 2022/2023 mövsümünün qızıl medallarının sahibi “Qarabağ” olub.

Prosport.Az xəbər Bir neçə tur öncə çempionluğu rəsmiləşdirən “köhlən atlar” son oyunda “Azersun Arena”da “Turan Tovuz”u 3:1 hesabı ilə məğlub edib.

Oyundan sonra AFFA prezidenti Rövnəq Abdullayev, Peşəkar Futbol Liqasının prezidenti Elxan Səmədov, AFFA-nın baş katibi Sərxan Hacıyevin iştirak etdiyi mükafatlandırma mərasimində əvvəlcə “Azərlotereya” ASC-nin İdarə Heyətinin sədri Osman Karakuşa PFL tərəfindən hədiyyə təqdim olunub.

Ardınca Premyer Liqada 22 qolla cari mövsümün bombardiri olan Ramil Şeydayevə xüsusi mükafat verilib. Bundan sonra "Neftçi"yə bürünc, "Sabah"a gümüş və "Qarabağ"a qızıl medallar verilib. Tədbirin sonunda “Qarabağ” futbolçuları çempionluq kubokunu başları üzərinə qaldırıb. Daha sonra "Azərsun Arena"da atəşfəşanlıq baş tutub. "Qarabağ"ın 10-cu çempionluğu münasibətilə 10 ulduz yandırılıb.

Prosport.TV mükafatlandırma mərasimindən görüntüləri təqdim edir: