"Neftçi"nin kapitanı Emin Mahmudovun mövsümün sonunda klubla müqaviləsi başa çatır.

Prosport.Az-ın məlumatına əsasən, 31 yaşlı yarımmüdafiəçiyə təkliflər olsa da, onun planı komandada qalmaqdır. Amma yeni müqavilə şərtləri Mahmudovu razı salmır.

Cənubi Koreyanın "Tecon Sitizen" klubundan təklif aldığı iddia olunan Eminlə bağlı maraqlı xəbər əldə etmişik. Mahmudov "Neftçi"də maaşını artırmaq istəyir və kontraktını uzatmaq fikrindədir. Bu səbəbdən onun Koreyadan 750 min avroluq təklif aldığı barədə xəbərlər yayılıb. "Neftçi" təcrübəli oyunçuya son olaraq 350 min dollar təklif edib. "Ağ-qaralar" milli üzvünə 500-550 min avroluq müqavilə təklifi etməsə, Mahmudovun komandada qalması sualdır.

Bu səbəbdən o, ölkə xaricində alternativ variantlara baxır.