Bu gün I diviziona XXX turun oyunları ilə yekun vurulacaq.

Prosport.Az-ın Naxçıvana ezam olunmuş əməkdaşının verdiyi xəbərə görə, Əməkdar artist Ədalət Şükürov I divizonun qalibi olan "Araz Naxçıvan"ın oyununa dəvət olunub. 

57 yaşlı müğənni saat 16:00-da başlayacaq "Araz Naxçıvan" – "Zaqatala" matçında meydan sahiblərinin mükafatlandırılmasından sonra Muxtar Respublika stadionunda ifa edəcək. Həmçinin muxtar respublikanın bir neçə musiqi ifaçıları da tamaşaçıların könlünü oxşamağa çalışacaq. Matçın fasiləsində isə gimnast qızlar tamaşaçılara öz məharətlərini göstərəcəklər.

Qeyd edək ki, bu matçda AFFA prezidenti Rövnəq Abdullayev, baş katib Sərxan Hacıyev, PFL prezidenti Elxan Səmədov da mükafatlandırmada iştirak edəcək.

Səbuhi Musa