İsveç çempionatında Konfrans Liqasına vəsiqə qazanan daha bir klub məlum olub.

Prosport.az xəbər verir ki, "Hammarbü"dən sonra "Kalmar" da sözügedən turnirdə iştirak edəcək. Komanda səpələnməmişlər səbətində yer alacaq.

"Neftçi" və "Sabah"ın Konfrans Liqasında iştirakı dəqiqləşib. "Ağ-qaralar" səpələnmişlər səbətində yer alacaq və "Kalmar"la üz-üzə gələ bilər. "Sabah" isə səpələnməmişlər sırasında olacaq.

UEFA Konfrans Liqası
II təsnifat mərhələsi

Səpələnmişlər: “Brügge” (Belçika), “Makkabi (Təl-Əviv, İsrail), “Viktoriya” (Plzen, Çexiya), “Budyo-Qlimt” (Norveç), “Lex”, “Legiya” (hər ikisi Polşa), “Hapoel” (Beer-Şeva, İsrail), “Yurqorden” (İsveç), “Rusenborq” (Norveç), “Spartak” (Trnava, Slovakiya), “KuPS” (Finlandiya), “Neftçi” (Azərbaycan).

Səpələnməmişlər: “Hammarbü”, "Kalmar" (İsveç), “Kauno” (Litva), “Poqon” (Polşa), “Zalaeqerseq” (Macarıstan), “Sabah” (Azərbaycan), “Ordabasi”, “Aktobe” (hər ikisi Qazaxıstan), “Auda” (Latviya).