“Zəngəzur” minifutbol komandası Bolqarıstanda keçirilən Avropa Kubokunda ilk oyununa qələbə ilə başlayıb.

Prosport.Az xəbər verir ki, A qrupunda yer alan Azərbaycan çempionatının bürünc medalçısı açılış oyununda yerli “Qalaktiko” ilə qarşılaşıb.

Matç “Zəngəzur”un 2:0 hesablı qələbəsi ilə başa çatıb. Komandamızın heyətində Elməddin Hüseynzadə və Haqverdi Həsənov fərqlənib.

Qeyd edək ki, “Zəngəzur” sabah qrup çərçivəsində daha 2 oyun keçirəcək. Komanda saat 10:00-da Yunanıstanın TMT, 18:00-da isə Çexiyanın “Veska” komandası ilə üz-üzə gələcək.

Xatırladaq ki, "Zəngəzur"un kapitanı hazırda böyük futbolda "Araz-Naxçıvan"ın məşqçisi işləyən Əfran İsmayılovdur.