“Performansımız ürəkaçan olmadı, daha yaxşı olmalı idik”.

Prosport.Az xəbər verir ki, bunu Belçika millisinin baş məşqçisi Domeniko Tedesko Bakıda Azərbaycan millisinə 1:0 hesabı ilə qalib gəldikləri AÇ-2024-ün seçmə mərhələ oyunundan sonra mətbuat konfransında deyib.

İtaliyalı mütəxəssis “Dalğa Arena”da baş tutan qarşılaşmanın ardından komandasının çıxışını dəyərləndirib: “3 xal qazandığımız üçün xoşbəştik. Bu kimi oyunlarda 2-ci qolu vurub, oyunu “öldürmək” lazımdır. 2-ci topu vurduqdan sonra rəqibin ümidləri ölür”.

Gənc çalışdırıcı Azərbaycan millisi barədə xoş sözlər işlədib: “Çox adama elə gəlirdi ki, rahat oyun olacaq. Meydança da yaxşı vəziyyətdə deyildi. Rəqib də futbol oynayırdı, şanslar yaradırdı. Bir neçə epizodda çətinlik çəkdik. Renat Dadaşovun başla zərbəsi zamanı qapıçımız çətinlik çəkdi. Belə matçlarda qələbə qazanmaq vacibdir”.