Bu gün Azərbaycan millisi AÇ-2024-ün seçmə mərhələsində növbəti oyununa çıxıb.

Prosport.Az xəbər verir ki, yığma komanda V tur çərçivəsində Belçika ilə üz-üzə gəlib.

Belçikalılarla oyun “Dalğa Arena”da keçirilib və Azərbaycan yığmasının məğlubiyyəti ilə başa çatıb - 0:1.

Azərbaycan millisi ilk dörd oyunda hesabına cəmi 1 xal yazdıra bilib. Matçda yeganə qolu Yannik Karrasko vurub.

Qeyd edək ki, Canni De Byazinin rəhbərlik etdiyi Azərbaycan yığması sentyabrın 12-də eyni stadionda İordaniya millisi ilə yoldaşlıq görüşü keçirəcək.