Azərbaycan millisinin 3 futbolçusu AÇ-2024-ün seçmə mərhələsində bu gün Belçika ilə keçiriləcək oyunun “23-lüy”ündən kənarda qalıb.

Prosport.Az xəbər verir ki, baş məşqçi Canni De Byazi 2 müdafiəçi və 1 yarımmüdafiəçinin xidmətinə ehtiyac duymayıb.

Bunlar Bəxtiyar Həsənalızadə, Amin Seydiyev və Ozan Can Kökçüdür. Adıçəkilən oyunçular “Dalğa Arena”da baş tutacaq qarşılaşmanı tribunadan izləməli olacaqlar.

Qeyd edək ki, Azərbaycan – Belçika görüşü saat 17:00-da başlayacaq.