AFFA İntizam Komitəsi “Qəbələ”nin baş məşqçisi Elmar Baxşıyevi və "Sumqayıt"ın əvəzedicilərdən ibarət komandasının baş məşqçisi Vaqif Cavadovu cəzalandırıb.

Prosport.Az xəbər verir ki, komitə Azərbaycan Premyer Liqasının V turunda “Zirə” ilə keçirilən oyunda Elmar Baxşıyevin qırmızı vərəqə almasına hüquqi qiymət verib.

43 yaşlı məşqçi 1 oyunluq cəzaya məruz qalıb. Klub buna görə 800 manat cərimələnib.

Vaqif Cavadovun cəzalanmasına isə "Neftçi-2" ilə oyun bitdikdən sonra hakimin qərarına etiraz etməsi səbəb olub.

Cavadov birbaşa qırmızı vərəqə aldığı üçün iki oyunluq cəzaya, "gənclik şəhəri" təmsilçisi isə 150 manat cəriməyə məruz qalıb.