Azərbaycan səfəri FIFA prezidenti Canni İnfantino üçün düşərli olub.

Prosport.Az xarici mətbuata istinadən xəbər verir ki, isveçrəli funksioner FIFA prezidentliyinə seçkilər öncəsi dəstəkçi sayını artırmaq üçün Bakıda boş oturmayıb. Belə ki, o, U-15-lər arasında keçirilən dünya çempionatı üçün ölkəmizə gələn millilərin həm səlahiyyətli nümayəndələri, həm də dövlət rəsmiləri ilə görüşüb. İnfantino Bakıda olan müxtəlif assosiasiyaların rəhbərləri, eləcə də səfirləri ilə bir araya gəlməyə çalışıb.

Məlumata görə, 56 yaşlı funksioner istəyinə nail olub. Çünki əksər assosiasiyalar seçki zamanı onu dəstəkləməyə söz verib. İnfantino özü də BBC-yə açıqlamasında artıq Asiya Futbol Konfederasiyasının, eləcə də Afrika ölkələrinin tam dəstəyini aldığını deyib.

Qeyd edək ki, FIFA prezidentliyinə seçkilər 2027-ci ilin martında keçiriləcək. İnfantino isə Bakıdakı yarışın sonunadək burada qalaraq görüşlərini davam etdirmək niyyətindədir.