Bakıda təşkil olunan FIFA U-15 dünya çempionatında Azərbaycan millisi növbəti oyununu keçirib.

Prosport.Az xəbər verir ki, Famil Xəlilovun başçılıq etdiyi komanda günün ilk matçında İsraillə qarşılaşıb. Hövsan Yarış Kompleksinin 10A meydançasında təşkil olunan görüş komandamızın 3:1 hesablı qələbəsi ilə başa çatıb.

Yığma son görüşdə Haiti seçməsi ilə qarşılaşacaq. Oyun saat 18:15-də başlayacaq.

Qeyd edək ki, AF qrupunda yer alan Azərbaycan millisi bunadək 2 görüşdə qalib gəlib, bir matçda isə məğlub olub.

Dünya çempionatına oktyabrın 30-da yekun vurulacaq.

10:00

Azərbaycan millisi Bakıda təşkil olunan U-15 dünya çempionatı və festivalında bu gün daha 2 matç keçirəcək.

Prosport.Az xəbər verir ki, Famil Xəlilovun baş məşqçi olduğu komanda saat 11:30-da İsrail millisi ilə qarşılaşacaq.

U-15 millisi 2-ci görüşünü saat 18:15-də Haiti yığmasına qarşı keçirəcək.

Hər iki görüş Hövsan Yarış Kompleksinin 10A meydançasında baş tutacaq.

Xatırladaq ki, U-15 millimiz daha əvvəl keçirdiyi görüşlərdə Timor-Leste yığmasını 6:0, Andorranı 1:0 hesabı ilə məğlub edib. Avstraliya millisinə isə 1:3 hesabı ilə uduzub.

Turnirdə dünyanın 189 ölkəsindən FIFA-ya üzv assosiasiyaları təmsil edən komandalar iştirak edirlər. Çempionat çərçivəsində 1000-ə yaxın oyun baş tutacaq.

Oktyabrın 30-da başa çatacaq U-15 dünya çempionatı Hövsan Yarış Kompleksində keçirilir. Turnirin final görüşü Bakı Kristal Zalında gerçəkləşəcək.