“Napoli” mətbuatda Xviça Kvaratsxelia ilə müqavilənin mümkün uzadılması ilə bağlı yayılan xəbərlərə cavab olaraq bəyanat yayıb.

Prosport.Az xəbər verir ki, “Napoli” bunların doğru olmadığını bildirib:

“Bəzi KİV orqanları gürcü futbolçunun menecerlərinə yeganə mənbə kimi istinad edərək, Kvaratsxelia ilə müqavilənin uzadılması üçün aparılan danışıqların davam etdiyi barədə xəbərlər yaymağa davam edir. Bütün bunlar cəfəngiyyatdır. Heç bir “Napoli” nümayəndəsi heç vaxt oyunçu ilə müddəti 4 ildən sonra başa çatacaq müqavilənin mümkün uzadılması barədə danışmayıb”.

Həmçinin bildirilir ki, klub prezidenti Aurelio De Laurentis öz oyunçularını rəqib klublara mümkün keçidlərdən qorumaq istəyir. Buna görə də, o, nigeriyalı hücumçu Viktor Osimhenlə mövcud müqavilənin şərtlərini yaxşılaşdırmağı planlaşdırır.