“İlk növbədə, bu cür oyunu təşkil edənlərə komandamız adından minnətdarlığımı bildirirəm. Litvadan gələn veteran futbolçulara da təşəkkür edirik, bu qarşılaşma bizim üçün çox xoşdur”.

Prosport.Az xəbər verir ki, bu sözləri Tofiq Bəhramov adına Respublika Stadionunun 75 illik yubileyi münasibətilə keçiriləcək “Neftçi” (Azərbaycan) və “Vilnüs” (Litva) veteranları arasındakı yoldaşlıq oyunundan əvvəl veteran futbolçu Vəli Qasımov jurnalistlərə açıqlamasında deyib.

Meydanın onlar üçün böyük əhəmiyyət kəsb etdiyini vurğulayan V.Qasımov bildirib: “Bu meydan bizə çox şeyi xatırladır. Bu gün buraya toplaşan futbolçular vaxtilə bu arenada çox çıxış ediblər. Bu gün bizim üçün həqiqətən çox özəl və qürurverici bir gündür”.

Veteran futbolçu, həmçinin milli komandamıza da dəstəyini ifadə edərək deyib: “Bu gün milli komandamızın da oyunu var. Ümid edirik ki, qalib gələcəklər. Biz də öz növbəmizdə onlara dəstək olur və uğurlar arzulayırıq”.