“Qarabağ” “EA SPORTS FC 27” futbol simulyatorunda da yer alıb.

Prosport.Az xəbər verir ki, ötən illərdə “EA SPORTS FC 25” və “EA SPORTS FC 26” oyunlarında təmsil olunan Ağdam klubu bu il də “EA SPORTS” şirkətinin hazırladığı yeni futbol simulyatorunda öz yerini qoruyub.

Klub “EA SPORTS FC 27”də “Rest of World” (Digər dünya liqaları) bölməsində fərdi şəkildə təmsil olunur.

Beləliklə, “Qarabağ” ardıcıl 3-cü il “EA SPORTS”un məşhur futbol simulyatorunda yer alan Azərbaycan klubu kimi diqqət çəkir.