Azərbaycanı təmsil edən fiqurlu konkisürən Aleksandr Plyuşenko bu mövsüm “Qızıl top” mükafatına layiq gördüyü futbolçuların adlarını açıqlayıb.

Prosport.Az sport24.ru-ya istinadən xəbər verir ki, Gürcüstanda olan rusiyalı idmançı Xviça Kvaratsxeliyanın mükafatı qazanmasını istədiyini bildirib.

"Çünki onun keçən mövsüm etdikləri, oyunu inanılmaz idi. Çempionlar Liqasını qazandı, amma təəssüf ki, dünya çempionatında iştirak etmədi. Lakin Xviça inanılmaz dərəcədə möhtəşəm idi”, – Plyuşşenko deyib.

O, Harri Keyn, Kilian Mbappe və Usman Dembele haqqında da fikirlərini bölüşüb: “Əlbəttə, Harri Keyn də layiqdir. Ümumiyyətlə, Çempionlar Liqasının ən yaxşı bombardirlərindən biridir, çoxlu qol vurdu. Dünya çempionatında da 3-cü yeri tutdu. Kilian Mbappe də pis deyildi – bu, mənim ən sevdiyim futbolçulardan biridir. Amma bu mövsüm, əlbəttə ki, “Real Madrid” çox yaxşı oynamadı. Fransa da, təəssüf ki, uduzdu”.

Plyuşenko Usman Dembele və Rafinya ilə bağlı da fikirlərini bildirib: “Dembele keçən il qazandıqlarının hamısını yenidən əldə etdi. Ötən il, haqqı olan “Qızıl top”u aldı. Rafinya yaxşı formada idi, amma “Qızıl top”a Dembele layiq idi.

Keyn, Dembele, Xviça və ya Mbappe. Amma mən Xviçaya azarkeşlik edəcəyəm”.