KONKAKAF Millətlər Liqasının qrup mərhələsinin oyununda Yamayka və Qvatemala yığmaları üz-üzə gəlib.

Prosport.Az xəbər verir ki, Kinqstondakı Milli Stadionda keçirilən görüş Yamaykanın 3:2 hesablı qələbəsi ilə başa çatıb.

Matçın taleyini “Qarabağ”ın hücumçusu Renaldo Sefas həll edib. O, 90+4-cü dəqiqədə qol vuraraq Yamayka yığmasına qələbə qazandırıb.

Bu qələbə Yamaykaya B qrupunda erkən üstünlük qazandırıb. Burada yalnız ilk 2 yeri tutan komandalar 1/4 finala vəsiqə qazanacaq. B qrupunda həmçinin Salvador, Honduras, Martinika və Surinam mübarizə aparır.

Qarşılaşmanı FIFA prezidenti Canni İnfantino da tribunadan canlı izləyib.

Qeyd edək ki, Yamayka millisinin digər qollarını Keysey Palmer (37-ci dəqiqə) və Rumarn Barrell (53) vurublar. Qvatemala yığmasının hər iki qoluna isə Oskar Santis (2 və 67) imza atıb.