Afrika Millətlər Kubokunun seçmə mərhələsi çərçivəsində Ruanda millisi öz meydanında Liberiyanı 3:1 hesabı ilə məğlub edib.

Prosport.Az xəbər verir ki, "Sabah”ın hücumçusu Coy-Lens Mikels Ruanda yığmasında ilk matçına çıxıb. O, penaltidən fərqlənməklə debütunu qolla qeyd edib.

Ruanda millisinin digər qollarından birini Coy-Lensin qardaşı, ötən mövsüm “Zirə”də çıxış edən Leroy Mikels vurub.

Ruanda millisinə dəvət alan “Zirə”nin müdafiəçisi Anji Mutsinzi də bu matçın iştirakçısı olub. O, meydana start heyətində çıxıb və görüşü əvəzolunmadan keçirib.

Maraqlıdır ki, bu matçda Liberiya millisini yeganə qolunun müəllifi olan Silvanus Nimeli də vaxtı ilə Azərbaycanda çıxış edib. O, 2024/25 mövsümündə “Sumqayıt”da forma geyib.