UEFA Millətlər Liqasının D Liqasında mübarizə aparan Azərbaycan millisinin AVRO-2028-in pley-off mərhələsinə vəsiqə qazanmaq imkanı yaranıb.

Prosport.Az xəbər verir ki, yeni sistemə əsasən, D Liqasında 2 qrup qalibindən daha yaxşı nəticə göstərən kollektiv üçün əlavə şans mövcuddur.

Yuxarı liqaların (A, B, C) qrup qalibləri seçmə mərhələdən turnirə birbaşa vəsiqə qazanacaqları təqdirdə, vakant qalan pley-off yeri D Liqasının ən yaxşı qrup qalibinə veriləcək.

Proqnozlara əsasən, Azərbaycan D Liqasında bu göstərici üzrə ən yaxşı nəticəyə əsas namizəddir və Maltanı 0,1 xal qabaqlayır. Beləliklə, yığmamız öz qrupunu lider bitirib digər qrupun qalibini üstələyərsə, müəyyən şərtlər daxilində Millətlər Liqası vasitəsilə AVRO-2028-in pley-offuna vəsiqə qazana bilər.