“Real”ın yarımmüdafiəçisi Cud Bellinqem klubla müqaviləsini uzatmağa yaxındır.

Prosport.Az xəbər verir ki, bu barədə insayder Nikolo Skiranın məlumatı yayıb. Tərəflər yeni uzunmüddətli müqavilənin şərtlərini demək olar ki, razılaşdırıblar.

Yeni sözləşmənin 2032-ci ilin yayına qədər nəzərdə tutulduğu bildirilir. Bellinqemin hazırkı müqaviləsi isə 2029-cu ilin iyununda başa çatır.

23 yaşlı futbolçu 2023-cü ilin yayından Madrid “Real”ında çıxış edir. O, bu mövsüm bütün turnirlərdə 7 oyuna çıxıb, 3 qol vurub və 3 məhsuldar ötürmə edib.