İngiltərə Premyer Liqasının 5-ci turunda “Arsenal” səfərdə “Brayton”a 0:3 hesabı ilə uduzub.

Prosport.Az xəbər verir ki, London təmsilçisi bununla mövsümdə ilk məğlubiyyətini alıb.

“Brayton”un qollarını 31-ci dəqiqədə Paskal Qross, 45-ci dəqiqədə Haralambos Kostulas və 57-ci dəqiqədə Çema Andres vurub.

Bu nəticədən sonra 12 xalı olan “Arsenal” turnir cədvəlində 2-ci pillədə qərarlaşıb. “Brayton” isə xallarını 9-a çatdıraraq 9-cu sıraya yüksəlib.

Opta-nın məlumatına görə, bu, “Arsenal”ın 2023-cü ilin mayından bəri Premyer Liqada aldığı ən böyük məğlubiyyətdir. “Topçular” həmin vaxt da “Brayton”a 0:3 hesabı ilə uduzmuşdu.