Misli Premyer Liqasının VI turunda “Sabah” “İmişli” üzərində 3:1 hesablı qələbə qazanıb.

Prosport.Az "Football-plus"a istinadən xəbər verir ki, görüşün ardından Bakı klubunun futbolçusu Akim Zedadka qarşılaşma ilə bağlı jurnalistlərə müsahibə verib.

– Matç barədə nə deyə bilərsiniz?

– Qarşımızda yaxşı komanda var idi. “İmişli”ni tanıyırdıq və onların müdafiədə inamlı çıxış edəcəyini bilirdik. Elə də oldu. Müdafiəni yaxşı qurmuşdular və boşluq tapmaq asan deyildi. İlk iki qolu uzaq məsafədən vurduğumuz zərbələr hesabına əldə etdik. Bu cür zərbələrdən istifadə etməyi bacarırıq. Daha sonra isə oyunun gedişatı dəyişdi. Rəqib hesabda geri düşdükdən sonra irəli atılmağa və təzyiqi artırmağa başladı. Buna baxmayaraq, yaxşı mübarizə apardılar. Onlara gələcək oyunlarda uğurlar arzulayıram.

– Çempionatda qarşınıza hansı məqsədi qoymusunuz?

– Məqsədimiz bütün rəqiblərlə mübarizə aparmaq və turnir cədvəlində liderliyimizi mümkün qədər uzun müddət qorumaqdır.

– Milli komandaların oyunları ilə əlaqədar fasiləyə qələbə ilə çıxırsınız. Ardınca Çempionlar Liqasında matçlarınız olacaq. Hazırlıq baxımından vaxt kifayət edəcək?

– Fasilə öncəsi qalib gəlmək bizim üçün çox vacib idi. Avropa görüşlərinin fərqli xarakter daşıdığını bilirik. Çempionatdakı oyunlarla Avropa kuboku matçları arasında müəyyən fərqlər var. Buna görə də hər qarşılaşmaya eyni ciddi münasibətlə yanaşmalı və bütün oyunlarda qələbə üçün mübarizə aparmalıyıq. Milli komandaların oyunları səbəbindən yaranan fasilədən də maksimum yararlanaraq qarşıdakı görüşlərə tam hazırlaşmağa çalışacağıq. Çünki bundan sonra oyunlarımız 3-4 gündən bir keçiriləcək və belə sıx qrafikə hazır olmalıyıq.