"Sabah" Azərbaycan Premyer Liqasında ardıcıl 5-ci qələbəsini qazanıb.

Prosport.Az xəbər verir ki, komanda VI turda "İmişli"ni məğlub edib.

Qarşılaşma 3:1 hesabı ilə bitib. 20-ci dəqiqədə qonaqların qapıçısı Sadiq Məmmədzadə avtoqol müəllifi olub. 35-ci dəqiqədə Umarali Raxmonaliyev fərqi iki topa çatdırıb. 90+5-ci dəqiqədə Kahim Parris komandasının 3-cü qoluna imza atıb.

Bölgə komandasının heyətində 90-cı dəqiqədə Ronaldo Souza adını tabloya yazdırıb.

Ehtiyatda bir oyunu olan "Sabah" 15 xalla 2-ci pillədə qərarlaşıb. "İmişli" 4 xalla 8-cidir.

Günün ilk görüşündə "Turan Tovuz" "Zirə"ni üstələyib - 1:0.

Xatırladaq ki, tura sentyabrın 20-də yekun vurulacaq. Ötən gün "Neftçi" "Qəbələ"ni (3:0), "Qarabağ" "Şəfa"nı (1:0) məğlub edib.