“İmişli” Ronaldo de Souzanı yenidən heyətinə cəlb edib.

Prosport.Az xəbər verir ki, bu barədə klubun mətbuat xidməti məlumat yayıb. Futbolçu ilə 2 illik müqavilə imzalanıb.

Karyerası ərzində Ronaldo Braziliyanın “Kruzeyro” klubunun U-17 və U-20, Portuqaliyanın “Sportinq” klubunun U-23 komandalarında, həmçinin “Alverka” və “Anadiya”, İndoneziyanın isə “Borneo” klublarında çıxış edib.

Qeyd edək ki, Ronaldo daha əvvəl “İmişli”nin formasını 29 oyunda geyinib. O, bu görüşlərdə 1 qol vurub və 1 məhsuldar ötürmə edib.