“Mançester Yunayted”in 15 yaşlı hücumçusu Cey-Cey Qabriel komandadan ayrılmaq niyyətindədir.

Prosport.Az “BBC”yə istinadən xəbər verir ki, hazırda Barselonada olan gənc futbolçu cümə axşamı Parisdə də olub.

Qabriel daha əvvəl klubdan qeydiyyatının ləğv edilməsini tələb edib. Onun və ailəsinin futbolçunun hələ “Mançester Yunayted”in əsas komandasında debüt etməməsindən narazı olduğu bildirilir.

Gənc hücumçu atasının irland kökləri sayəsində Avropa İttifaqı pasportu əldə edə bilər. Bu halda onun 18 yaşına çatmadan Avropa klubuna keçməsi mümkün ola bilər.

Qabrielə “Barselona”, “Real Madrid”, “Bavariya” və PSJ-nin maraq göstərdiyi qeyd olunur.

“Mançester Yunayted” isə futbolçunun mövsümün sonuna qədər qüvvədə olan müqaviləsini ləğv etmək niyyətində deyil.