“Kəpəz” futbol klubunun milli komandaların beynəlxalq oyunları ilə əlaqədar Azərbaycan Premyer Liqasında yaranacaq fasilə üçün planları müəyyənləşib.

Prosport.Az xəbər verir ki, "sarı-göylər" sentyabrın 20-də ölkə çempionatında “Sumqayıt”la oyundan sonra 4 günlük istirahətə yollanacaq.

Sentyabrın 25-də klubun bazasına toplaşacaq futbolçular məşqlərini Gəncə Şəhər Stadionunun ehtiyat meydançasında davam etdirəcək. Baş məşqçi Azər Məmmədov oyunçuları yoxlama matçlarında da sınaqdan keçirəcək.

Bu məqsədlə oktyabrın 2-də 2 oyun keçiriləcək. Komanda həmin gün saat 12-də Azərbaycanın 19 yaşadək futbolçulardan ibarət yığması ilə qüvvəsini sınayacaq.

Saat 17-də isə rəqib I Liqa təmsilçisi "Gəncəbasar" olacaq. “Kəpəz”in məşqçi korpusu bütün futbolçuların oyununu izləmək üçün heyəti 2 yerə ayıracaq. Hər iki qarşılaşma Gəncə Şəhər Stadionunun ehtiyat meydançasında baş tutacaq.