Azərbaycan millisinin futbolçusu Vüsal İsgəndərlinin çıxış etdiyi “Malişeva” Kosovo Superliqasında VI turun oyununa çıxıb.

Prosport.Az xəbər verir ki,"Lapi" ilə səfər oyunu həmyerlimizin komandasının 4:0 hesablı qələbəsi ilə başa çatıb.

Start heyətində meydana çıxan İsgəndərli 41-ci dəqiqədə komandasının ilk qolunu vurub. Bu, 30 yaşlı yarımmüdafiəçinin cari mövsümdə Superliqada 4-cü qolu olub. O, ötən tur “Gjilani” ilə görüşdə (3:1) het-trik etmişdi.

Hazırda “Malişeva” 13 xalla turnir cədvəlinin 2-ci pilləsində qərarlaşıb və ehtiyatında 1 oyun olan lider “Priştina”dan 2 xal geri qalır.