Bu yay “Sumqayıt”dan ayrılan Saşa İliç çalışdırdığı “Partizan” ilə antirekorda imza atıb.

Prosport.Az xəbər verir ki, Belqrad təmsilçisi Serbiya çempionatları tarixində ən pis startını edib.

Komanda 8 turdan sonra 2 qələbə, 1 heç-heçə və 5 məğlubiyyətlə cəmi 7 xal yığıb. Ötən gün isə paytaxt təmsilçisi öz meydanında “Voyvodina”ya uduzub - 2:3.

Serbiya mətbuatı Saşa İliçin istefaya göndəriləcəyi ilə bağlı məlumatlar yayır.

27 dəfə ölkə çempionu olan "Partizan" hazırda Superliqada 7 xalla 14 komanda arasında 13-cüdür.

Qeyd edək ki, Saşa İliç ötən mövsüm "Sumqayıt"ı çalışdırıb. Komanda 2025/2026 mövsümünü onun rəhbərliyi altında 41 xalla 7-ci pillədə başa vurub.