“Mançester Yunayted” bilet qaydalarını pozan 685 azarkeşin hesabına giriş imkanını məhdudlaşdırıb.

Prosport.Az xəbər verir ki, klub yay aylarında bilet hesablarını yoxlayıb və sistemdən maddi qazanc məqsədilə istifadə etdiyi müəyyənləşdirilən 685 hesabı bloklayıb.

Araşdırma zamanı ümumilikdə 1617 hesabda şübhəli aktivlik aşkarlanıb. Daha 464 azarkeşə xəbərdarlıq edilib, onların bilet ötürməsi və səfər oyunlarına bilet üçün müraciət etməsi məhdudlaşdırılıb.

Klubun qərarı bəzi azarkeş qruplarının narazılığına səbəb olub. “The 1958” tətbiq edilən sanksiyaları həddindən artıq sərt hesab edir və “Mançester Siti” ilə derbi öncəsi etiraz aksiyası keçirməyə hazırlaşır.

Qeyd edək ki, “Mançester Yunayted” sentyabrın 13-də Premyer Liqanın IV turunda “Mançester Siti”ni “Old Trafford”da qəbul edəcək.