"Neftçi" Azərbaycan Premyer Liqasının V turunda səfərdə "İmişli"ni 3:2 hesabı ilə məğlub edib.

Prosport.Az xəbər verir ki, paytaxt təmsilçisinin qələbə qolunu vuran Qustavo Klisman klubun mətbuat xidmətinə açıqlama verib. Braziliyalı futbolçu oyunun çətin keçdiyini bildirib:

"Çox çətin və ağır oyun idi. Süni örtüklü meydançada oynamaq çətin olur. Düzdür, qol vurdum. Amma bu qol tək mənim yox, bütün komandanın çəkdiyi əziyyətin bəhrəsidir. Çox əziyyət çəkdik, yaxşı oynadıq. Bizim üçün ən vacib buradan 3 xalla qayıtmaq idi. Bunu da bacardıq".

Yarımmüdafiəçi deyib ki, komandada sağlam rəqabətin olması önəmlidir: "Hər mövqedə rəqabət komandanı daha da inkişaf etdirir. Hamı məşqlərdə özünü yaxşı tərəfdən göstərməyə çalışır. Oyunlarda kimin oynayacağına baş məşqçi qərar verir. Kimin meydana çıxmasının fərqi yoxdur. Oyundan-oyuna keyfiyyətimiz daha da yüksəlir".