"Qarabağ"la yollarını ayıran fransalı futbolçu Abdullah Zubir Səudiyyə Ərəbistanının "Əl-Uruba" klubunda çıxış edə bilməyəcək.

Prosport.Az "LEquipe" nəşrinə istinadən xəbər verir ki, "Əl-Uruba" 34 yaşlı yarımmüdafiəçinin müqaviləsini Səudiyyə Ərəbistanı Liqası üçün qeydiyyatdan keçirə bilməyib.

Buna klubun maliyyə təminatının Liqanın tələblərinə cavab verməməsi səbəb olub.

Qeyd edək ki, Abdullah Zubir "Qarabağ"ın heyətində 8 il çıxış edib. O, Ağdam klubunun heyətində 379 oyunda 79 qol vurub və 96 məhsuldar ötürmə edib.