“Azərbaycan haqqında çox şey eşitmişəm. Burada oynayan bir neçə dostum var. Onların vasitəsilə bu ölkə haqqında kifayət qədər məlumat əldə etmişəm”.

Sportify.az xəbər verir ki, bunu “Neftçi”nin yeni transferi Adeleke Akinyemi klubun rəsmi mətbuat xidmətinə açıqlamasında deyib.

28 yaşlı hücumçu əvvəlcə ilkin təəssüratlarını bölüşüb: “Bakıya gələndə hava limanından stadiona qədər yolboyu gördüklərimdən çox məmnun qaldım. Deyə bilərəm ki, hər şey xoşuma gəldi”.

Nigeriyalı forvard “Neftçi”də çıxış edən futbolçulardan həmyerlisi İfeanyi Metyunu çoxdan tanıdığını, Norveç liqasında rəqib kimi bir-birilərinə qarşı oynadıqlarını diqqətə çatdırıb: “Onu yenidən görmək çox xoş oldu”.

Akinyeminin sözlərinə görə, ən güclü tərəfi qol vurmaqdır: “Bütün xüsusiyətlərimdə komandaya kömək etmək istəyirəm. Çox yaxşı şəkildə müdafiənin arxasına düşürəm və sürətimdən yaxşı stifadə edirəm. Fiziki cəhətdən yüz faiz hazıram. Məndə hər şey qaydasındadır. 22 oyunda 13 qolla karyeramın zirvəsindəyəm. Çünki əvvəllər də “Ventsplis”də buna bənzər şey yazmışam. Düşünürəm ki, bundan sonra qollarımı sıralamağa və Finlandiyada qaldığım yerdən davam edəcəyəm”.

O, “Neftçi”nin hazırkı durumundan da danışıb: “Yeni komandamın son matçını izləyəndə gördüm ki, çox keyfiyətli və yaxşı futbolçuları var. Birlikdə çalışacağıq və öhdəsindən gələcəyik. Azarkeşlərə demək istəyirəm ki rahat olun və bizə inanın. İnandığımız hər şey gerçəkləşəcək”.

Qeyd edək ki, “Neftçi” Adeleke Akinyemini Finlandiyanın “Qnistan” klubundan transfer edib. Onunıla 2+1 illik müqavilə bağlanılıb. Akinyemi yeni komandasında 26 nömrəli formanı geyinəcək.