"Qarabağ" Azərbaycan Premyer Liqasında növbəti qələbəsini qazanıb.

Prosport.Az xəbər verir ki, Ağdam təmsilçisi IV turda "Araz-Naxçıvan"ı məğlub edib.

Tofiq Bəhramov adına Respublika stadionundakı qarşılaşma 3:2 hesabı ilə bitib.

"Köhlən atlar"ın heyətində 8-ci dəqiqədə Xoni Montiel, 67-ci dəqiqədə Renaldo Sefas, 89-cu dəqiqədə Musa Qurbanlı fərqlənib. Qonaqların heyətində Luka Dumançiç 72-ci, Ağadadaş Salyanski 90+3-cü dəqiqədə adını tabloya yazdırıb.

Bu nəticədən sonra xallarının 9-a çatdıran "Qarabağ" 3-cü pillədə qərarlaşıb. Komandanın ehtiyatda 1 matçı da var. Naxçıvan klubu 1 xalla 11-ci sıradadır.

Günün ilk görüşündə "Turan Tovuz" "Sumqayıt"ı 2:1 hesabı ilə üstələyib.

Xatırladaq ki, turun əvvəlki oyunlarında "Qəbələ" "İmişli"ni (2:1), "Şamaxı" "Kəpəz"i (4:1), "Sabah" "Zirə"ni (5:0), "Neftçi" "Şəfa"nı (4:1) məğlub edib.