"Neftçi" Azərbaycan Premyer Liqasında növbəti qələbəsini qazanıb.

Prosport.Az xəbər verir ki, "ağ-qaralar" IV turda debütant "Şəfa"nı məğlub edib - 4:1.

Meydan sahiblərinin qollarını 35-ci dəqiqədə Rüfət Abbasov, 64 və 66-cı dəqiqələrdə Alen Şkribek, 79-cu dəqiqədə Breno Almeyda (p) vurublar. Qonaqların heyətində 48-ci dəqiqədə Murad Musayev adını tabloya yazdırıb.

Xallarının sayını 9-a çatdıran "Neftçi" 3-cü pillədə qərarlaşıb. "Şəfa" 3 xalla 10-cu yerdədir.

Günün ilk görüşündə "Sabah" "Zirə"ni 5 cavabsız qolla üstələyib.

Xatırladaq ki, ötən gün baş tutan matçlarda "Qəbələ" "İmişli"ni (2:1), "Şamaxı" isə "Kəpəz"i (4:1) məğlub edib. IV tura sabah yekun vurulacaq.