Bu gün Azərbaycan Premyer Liqasında IV turun daha 2 oyunu keçiriləcək.

Prosport.Az xəbər verir ki, əvvəlcə son ölkə çempionu "Sabah" Premyer Liqanın hazırkı lideri "Zirə" ilə qarşılaşacaq.

Cari mövsüm məğlub olmayan komandaların dueli "Bank Respublika Arena"da, saat 18:30-da start götürəcək.

Günün 2-ci qarşılaşmasında isə "Neftçi" debütant "Şəfa"nı sınağa çəkəcək. Hər iki kollektiv ötən tur minimal hesabla məğlub olublar.

Saat 20:30-da başlayacaq matç "Palms Sports Arena"da təşkil olunacaq.

Bu gün meydana çıxacaq komandalardan "Zirə" 9 xalla turnir cədvəlinə başçılıq edir. 6 xalı olan "Neftçi" 2-ci, eyni xala malik "Sabah" 4-cüdür. "Şəfa" isə 3 xalla 9-cu sırada qərarlaşıb.

Azərbaycan Premyer Liqası

I dövrə, IV tur

5 sentyabr

18:30. "Sabah" – "Zirə"

Hakimlər: İnqilab Məmmədov, Namiq Hüseynov, Zöhrab Abbasov, Əli Əliyev.

VAR: Tural Qurbanov.

AVAR: Asiman Əzizli.

Hakim-inspektor: Zöhrab Qədiyev.

"Bank Respublika Arena"

20:30. "Neftçi" – "Şəfa"

Hakimlər: Əliyar Ağayev, Zeynal Zeylanov, Akif Əmirəli, Elvin Bayramov.

VAR: Fərid Hacıyev.

AVAR: Cəmil Quliyev.

Hakim-inspektor: Babək Quliyev.

"Palms Sports Arena"

Qeyd edək ki, turun ötən gün baş tutan oyunlarında "Qəbələ" "İmişli"ni (2:1), "Şamaxı" isə "Kəpəz"i (4:1) məğlub edib.