“Sabah”ın UEFA Çempionlar Liqasının Liqa mərhələsindəki ilk rəqibi “Mançester Yunayted” transfer çalışmalarını yekunlaşdırıb.

Prosport.Az Britaniya mətbuatına istinadən xəbər verir ki, “qırmızı şeytanlar” artıq yeni oyunçu almamaq qərarına gəlib.

Rəhbərlik müdafiənin sol cinahının gücləndirilməsini istəsə də, baş məşqçi Maykl Kerrik buna ehtiyac duymadıqlarını bildirib. Yay fasiləsində transferlərə kifayət qədər pul xərcləyən Mançester təmsilçisi artıq bəzi “təmizlik işləri” ilə məşğuldur.

İrlandiyalı yarımmüdafiəçi Cek Murhous Şotlandiya klubu “Dandi”yə icarəyə verilib. Danimarkalı hücumçu Çido Obi isə Niderlanda köçməyə hazırlaşır. Gənc forvardın “Villem II”yə icarəyə verilməsi gözlənilir.

Qeyd edək ki, “Mançester Yunayted”lə “Sabah” arasında oyun sentyabrın 10-da “Old Trafford”da keçiriləcək.