İlk 3 turdan sonra maksimum nəticə ilə Azərbaycan Premyer Liqasına liderlik edən “Zirə” heyətini gücləndirməkdə davam edir.

Prosport.Az futbolinfo.az-a istinadən xəbər verir ki, qəsəbə təmsilçisi daha bir legionerin transferini yekunlaşdırıb. Xorvatiyanın “Riyeka” klubunun vingeri Dimitri Leqbo karyerasını Azərbaycanda davam etdirəcək.

Fil Dişi Sahilindən olan 25 yaşlı sol cinah oyunçusunun həm klubu, həm də özü ilə hərtərəfli razılıq əldə olunub. “Zirə”nin keçidi gün ərzində açıqlaması gözlənilir.

Leqbo “Riyeka”ya bu ilin əvvəlində Finlandiya “İnter”indən keçib və xorvatlarla müqavilə müddəti 2028-ci ilin yayına qədərdir. Afrikalı futbolçu 2021-2023-cü illərdə Ermənistanda “Ararat”ın formasını geyinib.