"Sabah"ın UEFA Çempionlar Liqasının əsas mərhələsindəki rəqiblərindən olan “Napoli” kapitanı Covanni Di Lorensonun müqaviləsinin müddətini uzadıb.

Prosport.Az xəbər verir ki, 33 yaşlı müdafiəçinin yeni sözləşməsi 2030-cu il iyunun 30-dək qüvvədə olacaq.

Di Lorenso 2019-cu ilin yayından “Napoli”nin formasını geyinir. O, bu müddətdə komandanın heyətində 307 rəsmi oyuna çıxıb və 20 qol vurub.

İtaliyalı futbolçu Neapol klubu ilə 2 dəfə ölkə çempionu olub, həmçinin İtaliya Kuboku və Superkubokunu qazanıb.

Qeyd edək ki, "Sabah" və "Napoli" arasında oyun 2027-ci il yanvarın 20-də Bakıda keçiriləcək.