"İmişli" futbol klubunun mətbuat katibinin adına aydınlıq gəlib.

Prosport.Az-ın xəbərinə görə, bu vəzifəyə ötən mövsüm Premyer Liqada çıxış etmiş "Karvan-Yevlax"ın mətbuat katibi Bəhruz Musayev təyin olunub.

Qeyd edək ki, Bəhruz Musayev eyni zamanda Yevlaxda "El" telekanalının da əməkdaşıdır. "İmişli" də cari mövsüm Premyer Liqada ev oyunlarını Yevlax şəhər stadionunda keçirəcək.

Xatırladaq ki, "İmişli"nin mətbuat katibi Leyla Behbudlu ilə ötən ayın əvvəlində yollar ayrılıb.