Azərbaycan Premyer Liqasında III turun daha bir oyunu keçirilib.

Prosport.Az xəbər verir ki, günün II matçında "Şəfa" "İmişli"ni qəbul edib.

Qarşılaşma bölgə təmsilçisinin qələbəsi ilə yekunlaşıb - 1:0. Yeganə qolu 55-ci dəqiqədə Seyxan Fərəcov vurub.

İlk qələbəsini qazanaraq xallarının sayını 4-ə çatdıran "İmişli" 4-cü pilləyə yüksəlib. "Şəfa" 3 xalla 7-ci sıradadır.

Günün ilk görüşündə "Qəbələ" evdə "Şamaxı" ilə heç-heçə edib - 0:0.

Xatırladaq ki, turun digər matçları avqustun 30-31-də keçiriləcək.