Rumıniya çempionatında VII turun oyunları keçirilir.

Prosport.Az xəbər verir ki, Azərbaycan yığmasının müdafiəçisi Cəlal Hüseynovun şərəfini qoruduğu “Petrolul” səfərdə “Universitatya”nın (Kluj) qonağı olub.

Gərgin keçən duel həmyerlimizin komandasının qələbəsi ilə yekunlaşıb – 3:2.

Azərbaycan millisinin üzvü də bu qarşılaşmada şans qazanıb. Görüşə ehtiyat oyunçular skamyasından başlayan arxa xətt oyunçusu 81-ci dəqiqədə meydana çıxıb.

Səfərdən 3 xalla dönən “Petrolul” xallarının sayını 12-ə çatdıraraq turnir cədvəlində 2-ci sıraya irəliləyib.